【媽媽的艱難決擇】請工人姐姐篇－續集

上回講到未見工人真身，真係唔知龍與鳳

太耐無update過個blog, 其實雙魚mami已經換左第二個工人
其實請第一個工人真係好無奈好痛苦好激氣
第一個工人姐姐係玩左唔夠一個月就俾我送走佢
仲要係冒住坐月無人幫手，入院開刀前一日送走佢
真心俾佢激到食唔安坐唔落，激到個人真係想嘔血

見過鬼真係好怕黑
但奈何工作關係，真係需要工人頂一頂
係坐完月後，我真係再鼓起一次好大既勇氣再去同工人面試
［其實......已經暗暗下決心，如果再中多次伏，我唯有認命，唔會再考慮請工人］
今次呢個係本地完約菲姐，Agent話佢好有湊new born經驗［信一半啦］😐
最後真係請左呢位姐姐，不過簽證要搞一個月💂
仲放緊產假，所以自己都頂硬上，捱多個月，其實都好彩仲有屋企人幫輕下
所以，真係要好好珍惜家人💕

等左一個月，工人姐姐終於黎到，
一如Agent所講，真係好有湊BB經驗，但亦都因為太有經驗，好有自己既一套💨💨
佢係香港已經有9年既經驗，名乎其實既：old seafood
黑面是常識吧！唔話得！
但慶幸係：
－佢做野都自動波，好少搵到機會捉到佢錯處，
－永遠係想開口話佢時佢就開始動手做😑
－煮飯出色，個人最鍾意佢整既咕嚕肉

－好錫二寶，照顧得好好

除左黑面同太有自己一套，其實都算係好工人
［中過伏後，已經唔敢將要求定得太高😔］

不知不覺已經一年啦，希望仲有一年都正正常常

其實，當二寶可以番學，都真係唔想再請工人
哈哈，我都係比較鍾意自己打理頭家 ［最多間唔中請下家務助理啦🙈］

【懷孕之第八個月】捱下去，預備與BB相見！

好不容易捱到細B第八個月（32週）！
腰骨痛，半夜起身去好幾次廁所，抽筋，眼訓，胃氣多等既後期徵狀已經出現晒 ><
我的確唔係一個乖媽媽，經常偷飲咖啡(其實係Decafe)，食無定時，夜訓，
盼望最後既2個月，媽媽會乖乖飲多D奶，食多D野，休息多D。
但老實講.......陀一個湊一個真係唔簡單！有時......真係攰到一個點！

第八個月，其實已經要開始執走佬袋，準備卸貨！
無錯....我又係未執走佬袋，仲要係咩都未買 =.=
好啦，呢個星期去買去執啦！！！

【媽媽的艱難決擇】 請工人姐姐篇

人愈大就發現時間過得愈快，時間好似愈黎愈唔夠用，
可能人大左對生活既各種需求同追求都有所提升，所以更加要努力，唔敢再hea住過，希望新一年大家都更上一層樓，加油！

不知不覺Hayden已經19個月大啦，而肚入面既細B都已經5個月大啦
哈哈，2016年實在太有挑戰性，其實細B既出現實在令我同hubby都措手不及。
我同hubby都覺得香港既小朋友實在太辛苦，樣樣都要比較，樣樣都要鬥，
所以我地都有共識：唔報N班，唔刻意去逼小朋友上興趣班
而細B係無預計中出現，問題就黎了：婆婆一個湊唔到2個 ，點算好？！
思前想後，不請不請還需請，請工人姐姐幫手應該係唯一既方法。
點解唔自己湊？真心覺得女人生完小朋友都應該維持自己既工作，
無論係全職，兼職定係做自己生意，我希望做到work life balance,
亦希望趁自己仲後生，努力去實現自己既夢想。


真係唔講唔知，今時今日要請個正常既工人都十分唔容易，
點解咁講？！大家其實經常會睇新聞睇到D工人會虐待BB，疏忽照顧兒童等等，
作為一個媽媽，真係太太太太擔心啦！！！
但真係無辦法既情況底下，唯有係番工時間就拜託長輩幫手睇住同埋裝cam。

當決定左要請工人，我就聯絡左hubby既一個係僱傭中心做緊既舊同學幫手，
經過一輪資料搜集同聽取埋其他媽媽、朋友既意見，決定請一個海外菲傭，
因為香港完約既工人要求相對地高而且會揀工，一個2歲B同一個初生B應該好難請。
Agent好快已經send左一堆海外菲傭既資料俾我選，第一次請工人真係睇到頭都大埋，
睇完無即刻選到，其實當中有一個合眼緣而且看似好有湊B經驗既，
隔左一個星期先諗住做phone interview, 原來已經被人請左啦～～～
Agent send第二輪資料俾我選，今次好快都選到，同個工人做2次phone interview後confirm,
我send埋D資料俾Agent，包括：地址証明、稅單、個人資料同支票等, Agent就幫我去申請，
工人姐姐5月尾會到港，我6月尾生細B，中間有一個月俾我教佢做野，
希望.......請到個正正常常既工人，大家祝我好運！

其實最後都得出一個結論：請工人如同買六合彩
因為好多人都話無論工人份CV有幾好或phone interview時對答有條有理都好，
最終，都係要見真身先會知龍與鳳！

Hayden bb的第一個聖誕

又到聖誕~又到聖誕~~Hohoho

2014年的聖誕節，雖然過得簡單但還是很快樂

這是Hayden BB的第一個聖誕節喔~

Hayden已經5個半月大了, 時間過得真快

突然在想, 不知Hayden會陪伴我們多少個聖誕？(瘋狂媽媽的狀態=.=)

一想到這點已經覺得很不捨得 (...........大概我已經瘋了)


  

Hayden寶貝成長日記

不知不覺, 原來我的寶貝已經4個22天大了
時間過得實在太快太快了
做媽媽的感覺真的很奇妙,現在有時還會懷念胎動的感覺,
哈哈, 不要叫我趕緊生第2胎
這幾天, 寶貝在學習翻身了, 學習的過程很有趣,
看看下圖便明白了:

我決定了要好好的為寶貝的成長作記錄
很害怕這珍貴的回憶轉眼就遺忘了
這些珍貴的記錄讓我將來老了, 還可以好好的回味他的一切

做了媽媽, 人生有了新的體會
很多的事都有了新轉變
雖然有時覺得很迷茫,很累,很沒自由,
但仍感激上天的恩賜
每天看到他的笑面, 原來是我每天最渴求的事

【可愛的家】再見了, 我們的第一個家!

在大埔這裡居住差不多兩年, 經歷了結婚,懷孕這兩項人生的重要大事
其實, 這裡是我倆的第一個家,很多重要的事都在這裡發生
到今天要搬離大埔, 實在太太太太不捨得 :(

MoMo和蕃薯是我們心愛的猫猫 <3
它們是我們分別在上年的3月和7月帶回大埔家的2隻猫寶貝
自從它們來了, 生活變得不一樣
初時還真的有點不習慣, 令喜歡深色衣服的我很頭痛
每次抱完它們, 衣服總是佈滿了它們的毛  ><
不過, 每天回家看到它們都很高興, 因為它們的樣子實在太可愛, 而萬分惹人憐愛
因為寶寶快要出生和搬家的關係,我們把猫猫暫交親人代養!
待新屋裝修好, 馬上就把它們接回新屋
真的很想念它們

這是第一年在大埔家過農曆新年時拍攝的 :)

我們好喜歡在放假時煮煮飯,喝喝花茶
好好的放鬆心情, 享受假日

不捨得我們的第一個家
但人總要向前望, 我知道以後在新屋的生活一定會更加好更加快樂
就讓這裡的回憶都好好藏在心裡

再好好的期待新屋吧!